Fara í efni
Umræðan

Gleði í Grímsey þegar Sæfari sigldi á ný

Sæfari í Grímseyjarhöfn í dag. Fjöldi farþega var með ferjunni. Ljósmynd: Halla Ingólfsdóttir

Ferjan Sæfari kom til Grímseyjar í hádeginu í dag eftir tæplega þriggja mánaða fjarveru. Skipið var fullhlaðið varningi og um 50 farþegar voru um borð.

Skipið hefur verið í viðhaldi á Akureyri síðan um miðjan mars. Til stóð að það yrði í sex til átta vikur í slipp en þær áætlanir stóðust ekki og var ferjan ekki í notkun í samtals 12 vikur.

Gleðin var því mikil í Grímsey þegar ljóst var að ferjan gat siglt í morgun og voru margir mættir niður að höfn til að taka á móti skipinu þegar það lagði að bryggju, að því er segir á vef Akureyrarbæjar.

„Mjög vinsælt er að koma til Grímseyjar, sérstaklega á vorin og sumrin þegar eyjan iðar af lífi þegar farfuglar streyma til varpstöðvanna. Fjarvera ferjunnar var því umtalsvert högg fyrir ferðaþjónustuna í eyjunni þar sem mikið var um afbókanir. Vona heimamenn að nú færist allt í eðlilegt horf á ný enda bjartasti tími sumarsins fram undan og hvergi betra að upplifa sumarsólstöður en einmitt þar við heimskautsbauginn,“ segir á vef sveitarfélagsins.

Sæfari siglir milli Dalvíkur og Grímseyjar fimm daga vikunnar yfir sumartímann – á mánudögum, miðvikudögum, fimmtudögum, föstudögum og sunnudögum – og tekur siglingin um þrjá klukkutíma hvora leið.

Fleiri myndir á vef Akureyrarbæjar: Sæfara fagnað

Heimasíða Grímseyjar

Áskorun vegna breytinga á geðþjónustu

Stjórn Geðverndarfélags Akureyrar skrifar
10. júlí 2024 | kl. 18:08

Nýja viðbyggingin við SAk

Hjörleifur Hallgríms Herbertsson skrifar
10. júlí 2024 | kl. 17:45

KS og Kjarnafæði Norðlenska

Gísli Sigurgeirsson skrifar
09. júlí 2024 | kl. 14:05

Ályktun Geðhjálpar vegna breytinga á þjónustu

Stjórn Geðhjálpar skrifar
06. júlí 2024 | kl. 06:00

Yfirlýsing varðandi breytingar á leikskólagjöldum

Anna Júlíusdóttir skrifar
05. júlí 2024 | kl. 11:45

Opið bréf til forseta Íslands

Ólafur Þór Ævarsson skrifar
04. júlí 2024 | kl. 11:00