Fyrsti heimaleikur ársins hjá KA/Þór

Fyrsti heimaleikur Stelpnanna okkar í handboltaliði KA/Þórs á nýju ári er í dag, laugardag, þegar HK kemur í heimsókn. Leikurinn, sem er í Olísdeildinni, efstu deild Íslandsmótsins, hefst klukkan 15.00.

Mikið er í húfi: KA/Þór er í 5. til 6. sæti deildarinnar með átta stig en HK er í 8. sæti með tvö stig; eini sigur HK-inga var á KA/Þór í Kópavogi fyrr í vetur. KA/Þór hóf keppnisárið með sigri á liði Selfyssinga um síðustu helgi fyrir sunnan.