Fara í efni
Umræðan

Árshátíð MA loks endanlega aflýst

Nemendur MA í þjóðbúningum á árshátíð skólans. Mynd af vef MA.
Nemendur MA í þjóðbúningum á árshátíð skólans. Mynd af vef MA.

Árshátíð Menntaskólans á Akureyri, sem jafnan er haldin sem næst fullveldisdeginum, 1. desember, hefur loks verið aflýst. „Við höfum nú í heilt skólaár reynt að skipuleggja okkar ástkæru árshátíð í mörgum útfærslum en höfum nú ákveðið að leggja árshátíðina niður í ár vegna aðstæðna í samfélaginu. Okkur þykir þetta mjög leitt en viljum þakka ykkur fyrir stuðninginn og þátttökuna þetta skólaárið á öllum viðburðum,“ sagði í tilkynningu frá stjórn skólafélagsins Hugins til nemenda í vikunni.

„Árshátíð MA hefur til afar langs tíma verið stærsti viðburðurinn í félagslífi nemenda. Nánast allir nemendur og stór hópur starfsfólks hefur sótt árshátíðina og mikill metnaður verið lagður í skreytingar, skemmtiatriði og allan undirbúning,“ segir í frétt sem aðstoðarskólameistari skrifaði um málið á heimasíðu skólans í dag. „Nemendur í þriðja bekk hafa mætt í þjóðbúningum og sett mikinn svip á hátíðina. En COVID setur strik í reikninginn eins og svo víða; árshátíðinni sem hefur verið haldin sem næst fullveldisdeginum 1. desember var frestað til 16. apríl, en í ljósi síðustu breytinga á sóttvarnarreglum ákvað skólafélagið að aflýsa henni. Vonandi verður hún á sínum stað á næsta skólaári og yngri bekkingar geta látið sig hlakka til,“ skrifar Sigurlaug Anna Gunnarsdóttir.

Réttindi neytenda á tímum Covid

Brynhildur Pétursdóttir skrifar
13. nóvember 2020 | kl. 13:00

Jónas Hallgrímsson

Tryggvi Gíslason skrifar
16. nóvember 2020 | kl. 07:15

Jón Sveinsson - Nonni

Haraldur Þór Egilsson skrifar
17. nóvember 2020 | kl. 10:30

Matthías Jochumsson

Tryggvi Gíslason skrifar
18. nóvember 2020 | kl. 17:09

Íslenska, nútími og lestur

Sverrir Páll skrifar
19. nóvember 2020 | kl. 10:10

Bílastæðaklukkur í miðbæ Akureyrar

Anna Kolbrún Árnadóttir skrifar
20. nóvember 2020 | kl. 10:00