Fara í efni
Umræðan

Jóna Hammer færir Skólasjóði MA gjöf

Jóna Hammer með bókina sem hún skrifaði um uppvaxtarár sín á Akureyri. Mynd: ma.is.

Samstaða og tengsl fyrrverandi nemenda Menntaskólans á Akureyri við skólann eru afar sterk, eins og fjölmennar afmælishátíðir og regluleg árgangamót  í tengslum við 17. júní bera vitni um. Fjölmargir velunnarar hafa gegnum árin stutt við skólann og lagt til fjármuni í Uglusjóð og Skólasjóð. Nýverið bættist í þann hóp þegar skólanum barst vegleg gjöf frá Jónu Hammer, stúdent frá MA 1962, sem ætluð er í Skólasjóð skólans. Fyrirhuguð ráðstöfun fjárins mun beinast að því að bæta aðstöðu fyrir nemendur í skólanum, að því er fram kemur í frétt á vef skólans.

Jóna Hammer hefur átt langan og fjölbreyttan starfsferil á fræðasviðinu. Hún lauk doktorsprófi í enskum bókmenntum 19. aldar og skrifaði doktorsritgerð um eftirlíkingar á íslenskum fornsögum í verkum Rider Haggard. Hún hefur jafnframt þýtt fjölda íslenskra þjóðsagna á ensku og sent frá sér bókina Memoirs of an Icelandic Bookworm, þar sem hún rifjar upp æskuár á Akureyri og setur þjóðsögurnar í samhengi við heim bókelskra barna. Á löngum kennsluferli sínum starfaði hún við Duquesne University í Pittsburgh, þar sem hún kenndi ensku og stýrði enskudeild fyrir erlenda námsmenn, auk þess að kenna íslensku við University of Pittsburgh um tíma.

Í fréttinni eru Jónu færðar sérstakar þakkir frá skólanum fyrir hlýhug hennar og rausnarlega gjöf.

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30

Mikilvæg skref í átt að samþættingu þjónustu við eldri borgara

Guðbjörg Anna Björnsdóttir skrifar
05. nóvember 2026 | kl. 12:30

Framtíð, atvinna og velferð í verki

Berglind Ósk Guðmundsdóttir skrifar
05. nóvember 2026 | kl. 11:00

Nokkrar spurningar til Samfylkingarinnar

Gunnar M. Gunnarsson skrifar
03. nóvember 2026 | kl. 15:50

Áframhaldandi skilningsleysi nýliða

Kristín Helga Schiöth skrifar
03. nóvember 2026 | kl. 14:20