Ráðstefna í Hofi um breyttar ferðavenjur

Evrópska samgönguvikan

Breyttar ferðavenjur er yfirskrift ráðstefnu sem haldin verður í Hofi í dag, í tilefni evrópsku samgönguvikunnar, sem Akureyri.net hefur fjallað töluvert um. Það eru Akureyrarbær og Vistorka sem standa fyrir viðburðinum.

Ráðstefnan hefst klukkan 14.00.

Flutt verða nokkur erindi um göngu- og hjólastíga á Akureyri, í Reykjavík, Danmörku og Hollandi. Auk þess verða sagðar tvær stuttar reynslusögur; Elín Björk Jónasdóttir, hópstjóri veðurþjónustu hjá Veðustofu Íslands, segir frá reynslu sinni af því að nota svokallað rafmagns Cargo-hjól og síðan mun Edward H. Huijbens prófessor við háskólann í Wageningen í Hollandi og fyrrum bæjarfulltrúi á Akureyri segja frá sinni reynslu af því að hjóla á Akureyri og í Hollandi.

DAGSKRÁIN:

• Stígar við þjóðvegina – Rúna Ásmundsdóttir og Margrét Silja Þorkelsdóttir
• Rafmagns Cargo-hjól – Elín Björk Jónasdóttir
• Stígar í Hollandi og Danmörku í samanburði við Ísland – Thijs Kreukels og Lilja G. Karlsdóttir
• Að hjóla í Hollandi og á Íslandi – Edward H. Huijbens
• Göngu- og hjólastígakerfi Akureyrar – Pétur Ingi Haraldsson og Rut Jónsdóttir

Ráðstefnunni verður streymt á netinu – hér.

Evrópsku samgönguvikunni lýkur formlega með bíllausa deginum á morgun, fimmtudaginn 22. september.