Pollamót Þórs að baki - MYNDIR

Árlegt Pollamót Þórs og Samskipa í fótbolta var haldið föstudag og laugardag, 2. og 3. júlí. Þar komu saman fullorðnar kempur og skemmtu sér innan vallar og utan. Mótið hefur aldrei verið fjölmennara, 810 leikmenn tóku þátt að þessu sinni. Ótrúleg veðurblíða var báða dagana og stemningin eftir því; punkturinn yfir i-ið hjá mörgum þátttakendum, og fjölda annarra reyndar, var svo Pallaball í Boganum á laugardagskvöldið, þar sem Páll Óskar tryllti lýðinn. Akureyri.net var á ferðinni um helgina og hér má sjá myndir frá mótinu.