Níu doktorar vilja stjórna Stofnun Vilhjálms

Níu umsóknir bárust um stöðu forstöðumanns Stofnunar Vilhjálms Stefánssonar (SVS), en umsóknarfrestur var til 15. ágúst. Þetta kemur fram á vef Háskólans á Akureyri, en stofnunin heyrir orðið undir hann. Umsóknirnar eru komnar í ráðningarferli samkvæmt reglum HA um ráðningar í akademískar stöður en gert er ráð fyrir að ráða í stöðuna sem fyrst að því ferli loknu.

Umsækjendur eru eftirtaldir:

• Dr. Adam Daniel Fishwick, rannsóknastjóri og gestaprófessor
• Dr. Aneta Aleksandra Ostrowska, SAk, skurðstofa - sótthreinsun
• Dr. Maria Ackrén, prófessor í stjórnmálafræði með sérstaka áherslu á sjálfstjórn eyja
• Dr. Mike Pavelec, forstöðumaður, Schriever Space Scholars (USSF), Johns Hopkins University – SAIS. Washington DC, USA
• Dr. Rachael Lorna Johnstone, prófessor, Lagadeild Háskólans á Akureyri
• Dr. Rasmus Gjedssö Bertelsen, prófessor
• Dr. Renuka Badhe, Formaður skipulagsendurskoðunarnefndar (Organisational Review Commtee), IASC
• Dr. Sigríður Dalmannsdóttir, sérfræðingur
• Dr. Sölmundur Karl Pálsson - Stundakennari við Mannfræðideild og Auðlindastofnun Háskólans í Manitoba og rannsakandi við Háskólann í Winnipeg.
  
  

Málefni norðurslóða eru sífellt meira áberandi í umræðunni á heimsvísu, en Stofnun Vilhjálms Stefánssonar er sjálfstæð rannsóknastofnun sem heyrir undir Háskólann á Akureyri og kemur að rannsóknum, upplýsingamiðlun, ráðgjöf og samvinnu á sviði sjálfbærrar þróunar og umhverfismála á norðurslóðum á Íslandi og erlendis.