Deildu lögreglunemar óviðeigandi myndum?

Háskólinn á Akureyri (HA) og menntasetur lögreglunnar í Reykjavík eru með til skoðunar nafnlausar ábendingar kvenkyns nemenda á öðru ári í lögreglufræði í HA þar sem nokkrir karlkyns nemendur eru sagðir hafa tekið óviðeigandi myndir af líkamshlutum bekkjarsystra sinna og deilt þeim hver með öðrum á samskiptaforritinu Snapchat. „Þar hafi þeir giskað sín á milli hvaða líkamspartur tilheyrði hvaða bekkjarsystur og gefið þeim einkunnir,“ segir í frétt RÚV frá því í gær. Einnig var fjallað um málið á mbl.is.

Áslaug Ásgeirsdóttir, rektor HA, segir að skólanum hafi borist nafnlaus ábending í október og málið verið í skoðun síðan. Nemendur hafi verið upplýstir um málið.

Frétt RÚV

Frétt mbl.is