Grímuskylda á ný á sjúkrahúsinu

Kórónaveiran hefur gert vart við sig í töluverðum mæli á nýjan leik undanfarið. Af þeim sökum hefur verið gripið til grímuskyldu á ný á Sjúkrahúsinu á Akureyri.

Á vef stofnunarinnar segir:

Vegna aukningu á fjölda inniliggjandi sjúklinga og veikinda starfsmanna með COVID-19 verður því miður að bregðast við með eftirfarandi hertum reglum tímabundið:

• Grímuskylda er á alla heimsóknargesti.
• Einn gestur leyfður í heimsókn í einu og gestir beðnir að virða heimsóknartímann.
• Grímuskylda á alla starfsmenn við umönnun.
• Reglurnar verða endurskoðaðar þann 19. desember.