Pistlar

Fyllt á olíutanka Grímseyinga í vikunni

Haraldur Ingólfsson skrifar 21. apríl 2023 | kl. 06:00

Olíudreifingarskipið Keilir við höfn í Grímsey. Mynd af vef Akureyrarbæjar: Anna María Sigvaldadóttir

Í rúman mánuð hafa farþegaflutningar milli Grímseyjar og lands aðeins farið fram í lofti með flugi Norlandair milli Akureyrar og Grímseyjar fjórum sinnum í viku.

Ástæðan er sú að Sæfari hefur verið í slipp í rúman mánuð og hafa ekki verið í boði siglingar með farþega á þeim tíma, en flutningur á fiski og varningi hefur farið fram með fiskiskipinu Þorleifi – sjá hér.

Raforka í Grímsey kemur nánast að öllu leyti frá díselrafstöð. Mjög var farið að ganga á birgðirnar, en nú hefur verið bætt úr því. Olíuskipið Keilir kom við í Grímsey í fyrrakvöld og fyllti á tankana í eynni þannig að nú ættu að vera birgðir sem duga þar til Sæfari getur hafið siglingar á ný eftir viðgerðir, en áætlað er að það verði um miðjan maí. Þetta kemur fram á vef Akureyrarbæjar.

Til baka í yfirlit pistla

Fyllt á olíutanka Grímseyinga í vikunni

Í Davíðshúsi

Magnolíur – Fornar og fallegar

Minningabrot í hringformi

Að eldast með reisn

Hús dagsins: Litli-Hvammur

Litla gula hænan

Fyllt á olíutanka Grímseyinga í vikunni

Tengdar fréttir