Fimm ára samningur – en ekki einkaleyfi

Hopp Akureyri ehf. sóttist eftir einkaleyfi til reksturs hjólaleigu á Akureyri, en fékk þá ósk sína ekki uppfyllta hjá skipulagsráði Akureyrarbæjar.

Skipulagsráð hefur samþykkt erindi Ársæls Gunnlaugssonar fyrir hönd Hopp Akureyri ehf. um nýjan þjónustusamning og að hann gildi í fimm ár í stað tveggja ára eins og verið hefur. Ósk Hopps um einkaleyfi var sett fram í þeim tilgangi að „koma í veg fyrir að of mörg hjól verði á svæðinu með tilheyrandi óþægindum.“