Fara í efni
Pistlar

Ekki forsendur fyrir skólahaldi í Grímsey

Byggðin í Grímsey. Ljósmynd: Friðþjófur Helgason.
Bæjarráð Akureyrarbæjar kvað upp úr með það á fundi sínum í gær að ekki væru forsendur til að hefja skólahald í Grímsey á vorönn 2024. Þó er vilji til að koma til móts við foreldra með auknum sveigjanleika til náms með stuðningi frá skóla barns í allt að þrjár vikur á önn.
 
Fræðslu- og lýðheilsuráð hafði áður samþykkt fyrir sitt leyti að endurvekja skólahald í Grímsey á vorönn 2024, að því gefnu að þrír nemendur ætluðu að hefja þar skólagöngu. Staðan yrði endurmetin í maí 2024. Niðurstaða bæjarráðs er hins vegar að upplýsingaöflun hafi leitt í ljós að ekki séu forsendur til skólahalds í Grímsey.
 
Í bókun bæjarráðs kemur fram að ráðið leggi áherslu á samfellda skólagöngu barna og greiðan aðgang að frístundastarfi í samræmi við barnalög nr. 76/2003 og því sé réttast að barn gangi aðeins í einn skóla, þar sem aðgangur að frístundastarfi er góður. Þó ríki skilningur á aðstæðum fjölskyldna þar sem annað foreldri stundar sína atvinnu að stórum hluta í Grímsey og að vilji sé til að koma til móts við foreldra barna sem eiga búsetu í Grímsey með auknum sveigjanleika til náms með stuðningi frá skóla barns, í allt að þrjár vikur á önn.
 
Bæjarráð felur sviðsstjóra fræðslu- og lýðheilsusviðs að skapa þá umgjörð í samstarfi við skóla barnanna og kynna hana foreldrum.

Maðurinn sem aldrei svaf

Orri Páll Ormarsson skrifar
14. júní 2024 | kl. 20:00

Sumarfrí mikilvæg heilsubót

Ólafur Þór Ævarsson skrifar
12. júní 2024 | kl. 14:00

Fágætur heggur: Næfurheggur

Sigurður Arnarson skrifar
12. júní 2024 | kl. 10:00

Gervigreind: Ekki lengur vísindaskáldskapur

Magnús Smári Smárason skrifar
11. júní 2024 | kl. 17:00

Áhugi minn á gervigreind: Frá slökkviliði til Oxford

Magnús Smári Smárason skrifar
11. júní 2024 | kl. 17:00

Frystigeymslan

Sigmundur Ernir Rúnarsson skrifar
10. júní 2024 | kl. 11:30