Pistlar

Blak: Oddaleikur KA og Aftureldingar í kvöld

Haraldur Ingólfsson skrifar 10. apríl 2026 | kl. 06:00

Blakarinn Miguel Mateo Castrillo, leikmaður KA og þjálfari bæði kvenna- og karlaliðs félagsins, í KA-heimilinu í gærkvöldi þegar hann stýrði kvennaliðinu í úrslit Íslandsmótsins. Karlaliðið freistar þess að fara sömu leið á heimavelli kvöld. Mynd: Skapti Hallgrímsson

Eftir 2-3 tap á heimavelli í fyrsta leik undanúrslitanna gegn Aftureldingu sneri karlalið KA í blaki við blaðinu og vann annan leikinn í Mosfellsbænum 3-2. Báðir leikirnir fóru í fimm hrinur og komið að úrslitastund í KA-heimilinu í kvöld, oddaleikur og annað liðið fer í úrslitaviðureign Íslandsmótsins, en hitt liðið lýkur keppnistímabilinu. Sigurliðið í kvöld mætir Þrótti úr Reykjavík í úrslitum, en Þróttarar, sem enduðu deildina í 4. sæti, gerðu sér lítið fyrir og unnu deildarmeistara Hamars í undanúrslitunum, 2-0.

Unbroken-deild karla í blaki
Undanúrslit, leikur 3
KA-heimilið kl. 19
KA - Afturelding
Útsending: Livey.events
Áskrift að rás eða stökum leikjum

Til baka í yfirlit pistla