Fara í efni
Pistlar

899 í einangrun – aldrei verið fleiri á Akureyri

899 í einangrun – aldrei verið fleiri á Akureyri

Aldrei hafa fleiri verið í einangrun á Akureyri vegna Covid-19 en í gær, 899 manns og alls 1.163 í umdæmi Lögreglunnar á Norðurlandi eystra.

„Eitthvað virðist veðrið síðustu daga hafa blásið Covid á milli manna, a.m.k. ef við horfum í stöðuna í okkar umdæmi. Í gær, þriðjudag, var mikið álag á sýnatökufólki sem og SAk við að greina þau sýni sem þangað bárust. Það var þá alveg í samræmi við fjölda sýna að við vorum með mesta fjölda smitaðra einstaklinga á sólarhring í gær, samtals 375 manns,“ segir í færslu á Facebook síðu embættisins í morgun.

Mikið hefur verið um smit í skólum undanfarnar vikur, nú eru til dæmis um 60 nemendur Menntaskólans á Akureyri í einangrun og fleiri heima vegna PCR prófa. Þunnskipað hefur því verið í einhverjum bekkjum að sögn Sigurlaugar Á. Gunnarsdóttur, aðstoðarskólameistara.

Í gær greindust fleiri með Covid hérlendis en áður á einum degi, 2.254, 400 fleiri en síðastliðinn föstudag sem var metdagur. Nú eru alls 11.111 í einangrun hér á landi og 8.342 í sóttkví.

Á Norðurlandi eystra eru nú 1.163 í einangrun sem fyrr segir og 1.069 í sóttkví. Hér má sjá stöðuna á Norðurlandi eystra í morgun; póstnúmer 600 er Akureyri sunnan Glerár en 603 norðan árinnar.

Seigla er orð ársins

Hildur Eir Bolladóttir skrifar
13. nóvember 2020 | kl. 11:50

Að nota fjölmiðla eða vera notaður af þeim?

Sigurður Kristinsson skrifar
13. nóvember 2020 | kl. 12:00

Að þegja er eiginleiki sem hvarf

Jón Óðinn Waage skrifar
08. desember 2020 | kl. 07:00

Framtakssemin og einkaframtakið

Jóna Jónsdóttir skrifar
18. nóvember 2020 | kl. 08:00

Akureyringar tala dönsku á sunnudögum

Tryggvi Gíslason skrifar
15. nóvember 2020 | kl. 10:00

Sú mikla kúnst að æsa fólk upp

Jón Óðinn Waage skrifar
18. nóvember 2020 | kl. 08:00