Vænting

Sígur, sígur brún
setur að haust
hvítur litur á tind
rauða lyngið laust
við berin sem ég ætlaði
að týna í ágúst.
Nú á leið yfir hafið
með farfuglum.

Ég leggst ekki í flug í ár.
Væti augun i lindinni.

Sígur, sígur brún
blundur á brá
í draumi dável
dansa ljúft má
eins og fuglar fljúgandi
fóru mér frá
á ég þó eftir
andrúm að þrá
vængjaslátt í vor.

Vakinn af vetri
á vorsólarmorgni.

Vakinn með vængjaslætti.

Jón Hlöðver Áskelsson er tónskáld á Akureyri