Selur í eldhúsvaski

EYRARPÚKINN - 32

Þú ert eins og selur Jói minn sagði mamma þegar hún baðaði mig í hvítum vaski gömlu eldhúsinnréttingarinnar.

Gekkst ég upp við hrósið og þandi mig allan og stælti.

Það er laugardagskvöld og bara við mæðgin heima því pabbi er í Laxagötunni og systkini á braut.

Mikið væri ég ein ætti ég þig ekki segir mamma.

Og þó vaskurinn væri ekki stór tókst mér að hamast svo í honum að vatnið flaut um allt gólf en Rafhahellurnar skörtuðu sápukúlum.

Jóhann Árelíuz er rithöfundur og skáld.

• Selur í eldhúsvaski er kafli úr Eyrarpúkanum, gáskafullu skáldverki sem gerist á Eyrinni á Akureyri um miðja síðustu öld. Bókin kom út 2003.