Pistlar

Djúpstæð augu sviðakjammanna

Jóhann Árelíuz skrifar 16. nóvember 2025 | kl. 06:00

EYRARPÚKINN - 65

Karl faðir skóf sviðin að beini en ég heyktist á að éta eyrun loðnu og augun en spændi í mig hnakkaspik, tungu og skinnið, heitt sem kalt.

Ég skar þykkustu fituna af kjötmetinu og klígjaði við henni kaldri en hélt upp á legginn þar sem kjötið er mýkst.

Pabbi taldi mig vart á vetur setjandi og spændi í sig fituna kalda.

Átti hver fjölskyldulimur sér fastan fisk- og kjötbita sem og hnífapör og sæti við eldhúsborðið.

Jóhann Árelíuz er rithöfundur og skáld.

Á sunnudögum síðustu misseri hefur akureyri.net birt kafla úr Eyrarpúkanum, gáskafullu skáldverki Jóhanns Árelíuzar sem gerist á Eyrinni á Akureyri um miðja síðustu öld. Bókin kom út 2003. Djúpstæð augu sviðakjammanna. er kafli úr bókinni Sveskjur í sólarlaginu, síðari bók Jóhanns um Eyrarpúkann en þar segir einkum frá dvöl drengsins á æskuslóðum föður hans í Vopnafirði. Bókin kom út 2010.

Til baka í yfirlit pistla