Snjóavetur

EYRARPÚKINN - 19

Í snjóhúsi við eldhúgsluggann loga kerti í gluggum og stöllum. Áfast snjóhúsinu er virki okkar bræðra og þar harðna kúlur á syllum, snjókúlur sem við höfum dýft í vatn í frostinu.

Það er snjór uppað þakskeggi og skaflinn að sunnanverðu slagar hátt í flaggstöngina. Þar gref ég göng fyrir bíla og tylli kertum hér og hvar.

Nonni mokar stéttina suðrað hliði í þriggja metra há göng þráðbein.

Pabby ryður þakið en mamma hugar að smáfuglunum og fá þeir sitt á kleinubretti.

Þegar Simmi og Gulli fara í Barnaskóla Íslands klífa þeir fjall sem ýtur hafa rutt upp norðan við Stínubakarí og er eins og tveggja hæða hús.

Það er norðlenskur snjóavetur.

Jóhann Árelíuz er rithöfundur og skáld.

• Snjóavetur er kafli úr Eyrarpúkanum, gáskafullu skáldverki sem gerist á Eyrinni á Akureyri um miðja síðustu öld. Bókin kom út 2003.