Jóhann Árelíuz

Frostaveturinn 1918

Jóhann Árelíuz skrifar 08. mars 2026 | kl. 15:00

EYRARPÚKINN - 80

Fyrsta minning Steindórs Jónssonar er þegar faðir hans kemur frosnum skildi úr bala fyrir baðstofugluggann því þá hélst skíma í bænum.

Í baðstofuglugganum voru fjórar rúður og lærði Steini að reikna með því að telja þær.

Systkinin á Hraunfelli voru bláleit og kinnfiskasogin þrátt fyrir föðurland og vaðmálsklæði og dreymdi feita bringukolla í baðstofunni myrkurkaldri.

Þetta var Frostaveturinn mikli.

Steini var tveggja ára gamall.

Jóhann Árelíuz er rithöfundur og skáld.

Á sunnudögum síðustu misseri hefur akureyri.net birt kafla úr Eyrarpúkanum, gáskafullu skáldverki Jóhanns Árelíuzar sem gerist á Eyrinni á Akureyri um miðja síðustu öld. Bókin kom út 2003. Frostaveturinn 1918 er kafli úr bókinni Sveskjur í sólarlaginu, síðari bók Jóhanns um Eyrarpúkann en þar segir einkum frá dvöl drengsins á æskuslóðum föður hans í Vopnafirði. Bókin kom út 2010.