Þórarinn Eldjárn les ljóð á Skáld hóteli

• Kl. 13:00 – Upplestur fyrir börn
  „Þórarinn býður yngri gestum í notalega og skemmtilega upplestrarstund þar sem orð, húmor og ímyndunarafl fá að njóta sín,“ segir í kynningu á viðburðinum.
• Kl. 16:30 – Upplestur fyrir fullorðna
  „Síðar um daginn tekur við upplestur fyrir fullorðna þar sem Þórarinn les úr verkum sínum.“

„Bókmenntastemningin nær yfir alla helgina á Skáld. Gestir geta meðal annars notið ljóða Þórarins með morgunverðinum og tekið með sér orð úr verkum hans heim,“ segir í kynningu. Ljóðið er sannarlega í hávegum haft á þessu nýja, stórglæsilega hóteli við Hafnarstræti; ástæða er til að hvetja alla sem vettlingi geta valdið að líta þar við og upplifa stemninguna.

Til gamans má geta þess að á veitingastað hótelsins, Abba-labba-lá, verða þrír sérstakir kokteilar á Happy hour-verði alla helgina, nefndir eftir ljóðum Þórarins: Startari, Núllþol og Lag. Einnig verður boðið upp á sérstakan þriggja rétta Akureyrarvöku-matseðil á Abba-labba-lá.