Spenna fram undan og fleiri greinar vakna

Með haustinu breytist framboð af íþróttaviðburðum. Fótboltinn á reyndar enn eftir nokkrar vikur, spennuþrungnar vikur fyrir stuðningsmenn Akureyrarliðanna í Bestu deildunum. Að auki er eitt Akureyrarlið í baráttu um að vinna 5. deildina. En nú er allt að fara af stað á fjölum íþróttahúsanna og á svellinu líka. Handboltalið bæjarins hefja leik á næstu dögum, sem og kvennaliðið í íshokkí. 

FIMMTUDAGUR 3. SEPTEMBER - handbolti

Handboltavertíðin er hafin, undirbúnings- og æfingamótum lokið, búið að útkljá hver er meistari meistaranna og keppni í efstu deildum karla og kvenna er á næsta leiti. Umfjöllun um veturinn fram undan, breytingar hjá Akureyrarliðunum og jafnvel spádóma um niðurstöðu er á dagskrá í vikunni.

• Handbolti
  Olísdeild karla, 1. umferð
  Kórinn kl. 19
  HK - KA

LAUGARDAGUR 5. SEPTEMBER - fótbolti, handbolti, íshokkí

Íþróttadeild akureyri.net hefur ekki fjallað sérstaklega um keppni í 5. deild karla í knattspyrnu, en þar eiga Akureyringar reyndar fulltrúa engu að síður. Lið Hamranna er þar á góðri leið með að vinna sig upp um deild. Liðunum í 5. deild var skipt í tvo riðla og tvö efstu lið hvors riðils komast áfram í undanúrslit. Hamrarnir unnu sinn riðil og mættu Smára, sem endaði í 2. sæti hins riðilsins, í fyrri undanúrslitaviðureign um liðna helgi í Kópavogi. Niðurstaðan varð jafntefli, 2-2. Seinni leikur liðanna fer fram á Akureyri á laugardag. Sigurliðið mætir annaðhvort Skallagrími eða Stokkseyri í úrslitaleik um deildarmeistaratitil 5. deildar, en bæði lið úrslitaleiksins fara upp í 4. deild. 

• Fótbolti
  5. deild karla, undanúrslit, seinni leikur
  Greifavöllurinn á Akureyri (KA-völlur) kl. 15
  Hamrarnir - Smári
  

Umfjöllun um veturinn fram undan, breytingar hjá Akureyrarliðunum og jafnvel spádóma um niðurstöðu er á dagskrá í vikunni.

• Handbolti
  Olísdeild karla, 1. umferð
  Lambhagahöllin í Úlfarsárdal kl. 16
  Fram - Þór
  

Íshokkífólk er komið af stað og stutt í að keppni á Íslansdmótunum í meistaraflokkunum, Toppdeildunum, hefjist. Konurnar byrja núna í vikunni, en karlarnir síðar í mánuðinum. Umfjöllun um kvennalið SA er á dagskrá í vikunni þar sem farið verður yfir breytingar á liðinu og fleira.

• Íshokkí
  Toppdeild kvenna
  Skautahöllin á Akureyri kl. 16:45
  SA - SR

SUNNUDAGUR 6. SEPTEMBER - fótbolti

Spennan magnast á lokaspretti Bestu deilda kvenna og karla í knattspyrnu fyrir tvískiptingu deildanna. Akureyrarliðin eru öll í baráttu í neðri hluta deildanna og þurfa sárlega á sigrum að halda á jöfnum og spennandi lokaköflum á haustdögum. Þór/KA er í 7. sæti Bestu deildar kvenna með 19 stig að loknum 17 umferðum. KA er í 12. sæti Bestu deildar karla með 16 stig þegar 21 umferð er lokið, en Þór í 10. sætinu með 18 stig. Bæði liðin eiga heimaleik á sama tíma í lokaumferðinni fyrir tvískiptingu deildarinnar.

• Fótbolti
  Besta deild karla, 22. umferð
  Greifavöllurinn á Akureyri (KA-völlur) kl. 14
  KA - Breiðablik
  
  
• Fótbolti
  Besta deild karla, 22. umferð
  VÍS-völlurinn á Akureyri (Þórsvöllur, gervigras) kl. 14
  Þór - FH
  
  
• Fótbolti
  Besta deild kvenna, 10. umferð
  Kaplakrikavöllur í Hafnarfirði kl. 14
  FH - Þór/KA

Stöður í deildum og leikjadagskrár

• Besta deild kvenna | KSÍ
• Besta deild karla | KSÍ
• 5. deild karla 2026 - Úrslit | KSÍ
• Olís deild kvenna | HSÍ
• Olís deild karla | HSÍ
• Toppdeild kvenna | ÍHÍ

Lesendur eru hvattir til að minna á íþróttaviðburði hvers kyns sem fram undan eru í meistaraflokkum, sérstaklega ef eitthvað verður út undan og gleymist í þessari vikulegu yfirferð í vikubyrjun hér á akureyri.net – sendið tölvupóst í haraldur@akureyri.net ef koma þarf slíkum upplýsingum á framfæri.