Sjávarréttakvöldið í Grímsey vel heppnað

Árleg sumarsólstöðuhátíð hófst í Grímsey í gær, hápunktur helgarinnar átti að vera vígsla hinnar nýju Miðgarðakirkju á morgun en athöfninni var í gær frestað þar til í ágúst, eins og Akureyri.net greindi frá í gær. Sjávarréttakvöld sem var á dagskrá í gærkvöldi var hins vegar að sjálfsögðu haldið eins og til stóð; fjöldi fólks er mættur út í eyju – ekki síst vegna fyrirhugaðrar kirkjuvígslu – og þrátt fyrir vonbrigði með frestunina skemmtu heimamenn og gestir sér að sögn konunglega í gærkvöldi.

Helgi Jónsson, sem er í Grímsey vopnaður myndavél, sendi Akureyri.net þessar myndir frá sjávarréttakvöldinu.

Frétt gærdagsins: Afleit veðurspá og kirkjuvígslu frestað