Ögurstund á Ísafirði í kvöld – Þór áfram?

Sigur eða sumarfrí! Þessi setning hefur verið notuð nokkrum sinnum síðustu daga á Akureyri.net og á nú við enn einn ganginn. Handboltalið Þórs sæki Hörð heim á Ísafirði í kvöld í þriðja og síðasta leik í rimmu liðanna; sigurvegari kvöldsins mætir liði Fjölnis í einvígi um að fylgja ÍR upp um deild og leika í hópi þeirra bestu næsta vetur, í Olís deildinni.

Hörður vann fyrsta leikinn á heimavelli, Þórsarar fögnuðu sigri á Akureyri á föstudaginn og nú er komið að ögurstundu. Hægt er að fylgjast með beinni útsendingu frá leiknum í Handboltapassanum sé keypt áskrift.