Lore Devos ekki með Þór á næsta tímabili
![](/static/news/lg/bikarurslit-0g7a0077.jpg)
Belgíska körfuknattleikskonan Lore Devos, sem fullyrða má að hafi verið ein af bestu leikmönnum Subway-deildarinnar á tímabilinu og algjör lykilleikmaður í liði Þórs, er á leið til Hauka. Þetta tilkynnti hún á samfélagsmiðlinum Instagram fyrr í dag.
Devos kom til Þórs síðastliðið sumar og átti stóran þátt í velgengni liðsins sem fór í úrslitaleik VÍS-bikarsins, endaði í 7. sæti deildarinnar og fór í átta liða úrslitakeppni. Hún skoraði að meðaltali 21,4 stig í leik með Þórsliðinu, tók níu fráköst og átti tæplega fjórar stoðsendingar að meðaltali. Hún var því mikill fengur fyrir félagið, en hefur nú ákveðið að söðla um og leika með Haukum á næsta tímabili. Reikna má með að Haukar hafi einfaldlega boðið mun betur en körfuknattleiksdeild Þórs hefur burði til að gera.
Devos hélt utan til Ástralíu þegar tímabilinu lauk hjá Þórsliðinu og spilar þar með Launceston Tornadoes, en mætir svo til starfa hjá Haukum í haust.
![](/static/news/xs/1724963156_jon-ingi-2023.jpg)
![](/static/news/xs/1724958855_hjortur-j-gudmundsson.jpg)
Tala eingöngu um vextina
![](/static/news/xs/1724874211_sindri-kristjansson.jpg)
Grunnskólarnir okkar allra
![](/static/news/xs/merki-ak.jpg)
Akureyrarbær gerir vel við barnafólk og tekjulágar fjölskyldur
![](/static/news/xs/albertina_bw.jpg)
Viltu úthluta milljarði?
![](/static/news/xs/1724436246_hjortur-j-gudmundsson.jpg)