Kaldbakur kaupir 12% hlut KEA í Slippnum

Fjárfestingafélagið Kaldbakur, sem er að fullu í eigu Samherja, hefur keypt 12% eignarhlut KEA í Slippnum Akureyri. Kaldbakur á langstærstan hlut í félaginu.

„KEA hefur verið hluthafi í félaginu allt frá þeim tíma þegar það var endurreist á árinu 2005,“ segir í tilkynningu á vef KEA í morgun. „Sala þessi er hluti af þeim áherslum KEA að fækka verkefnum en um leið að stækka þau verkefni sem félagið heldur á hverju sinni,“ segir í tilkynningunni.