Er ekki bara best að leggja jarðstreng?

Víðir Gíslason, íbúi á Akureyri, undrast þá skoðun Sunnu Jóhannesdóttur, oddvita Framsóknar í bæjarstjórn, að nú þegar eigi að hefja undirbúning að því að leggja Blöndulínu 3 í loftlínu innan bæjarmarka Akureyrar. Hann skrifar Sunnu opið bréf sem birtist á Akureyri.net í dag.

Blöndulína 3 er háspennulína frá Blönduvirkjun til Akureyrar. Bæjaryfirvöld vilja að síðasti hluti línunnar verði lagður í jörðu að tengivirki við Rangárvelli á Akureyri, Landsnet hins vegar að það verði loftlína. Forsvarsmenn Landsnets halda því fram að ekki sé tæknilega mögulegt að leggja strenginn í jörðu en samþykktu á fundi með fulltrúum Akureyri fyrir helgi að vinna frekari gögn sem bæjaryfirvöld kalla eftir.

Víðir nefnir í bréfinu Hólalandslínu 3 sem lögð var fyrir nokkrum misserum. Einnig vísar hann til samskipta Hafnarfjarðarbæjar við Landsnet annars vegar, hins vegar samskipta Garðabæjar við fyrirtækið, og loks til breskrar rannsóknar sem sýni fram á auka hættu á hvítblæði í börnum vegna búsetu nálægt háspennulínum.

Að endingu spyr Víðir, með vísun í þekkt slagorð Framsóknar fyrir síðustu sveitarstjórnarskosningar: Er ekki bara best að leggja jarðstreng?

Smellið hér til að lesa bréf Víðis til Sunnu.