Aron Kristófer riftir samningnum við Þór

Knattspyrnumaðurinn Aron Kristófer Lárusson hefur rift samningi sínum við Þór og leikur því ekki fyrir félagið næsta sumar.

 

Aron Kristófer, sem er 26 ára, hóf ferilinn hjá Þór en hefur einnig leikið með Völsungi, ÍA og KR, og Þórsarar keyptu hann einmitt frá KR um mitt sumar. Hann samdi þá til loka leiktíðarinnar 2026 en rær nú á önnur með. Aron Kristófer er búsettur á höfuðborgarsvæðinu en ekki er ljóst með hvaða liði leikur næst.

 

„Þetta fór eins og það fór, það verður að bíða til betri tíma að ég spili aftur með Þór,“ sagði Aron Kristófer við Fótbolta.net í gær.