Þórsarar sækja ósigrað lið Hauka heim

Handboltalið Þórs í Olísdeild karla á ærið verkefni fyrir höndum í kvöld þegar Þórsarar sækja Hauka heim í Hafnarfjörðinn í 10. umferð deildarinnar.

Hafnarfjarðarliðið hefur verið ósigrandi í deildinni það sem af er tímabilinu, hefur unnið níu fyrstu leiki sína og er með 76 mörk í plús, sem þýðir að liðið hefur unnið leikina með um það bil 8,4 marka mun að meðaltali. Nær óvinnandi vígi, að því er virðist og fyrirfram mjög erfitt verkefni fyrir Þórsara. Haukar unnu KA á Akureyri í 9. umferðinni með níu marka mun, 37-26, en í sömu umferð töpuðu Þórsarar heima fyrir hinu Hafnarfjarðarliðinu, 30-37. Haukar eru augljóslega á toppi deildarinnar með 18 stig, en Þór er í 8. sætinu með sex stig, hefur unnið þrjá leiki af níu.

• Handbolti
  Olísdeild karla, 10. umferð
  Ásvellir í Hafnarfirði kl. 18:30
  Haukar - Þór