Mikill hraði og mörg mörk þegar KA vann ÍR

KA tók á móti ÍR í fimmtu umferð efstu deildar karla í handbolta í kvöld. Leikurinn var mjög hraður og fjörugur og mikið skorað. KA-menn voru þó yfirleitt skrefinu á undan og unnu að lokum öruggan 41:36 sigur.

ÍR-ingar byrjuðu betur og voru yfir fyrstu mínútur leiksins. En fljótlega sigldu heimamenn framúr og voru yfirleitt 2-4 mörkum á undan gestunum í hálfleiknum. Staðan 22:18 í hléi; 40 mörk skoruð á fyrstu 30 mínútunum.

Áfram var mikið skorað eftir hlé og liðin skiptust yfirleitt á um að skora mörkin. Sveiflurnar urðu því litlar og forskot KA hélst nokkuð stöðugt allt til leiksloka. KA-menn lönduðu sanngjörnum sigri, 41:36.

Lykilatriði að skora meira en andstæðingurinn!

Eftir þennan sigur eru KA-menn komnir á þægilegan stað í deildinni, með sex stig eftir þrjá sigurleiki í fimm umferðum. ÍR-ingar hafa hins vegar farið illa af stað og eru aðeins með eitt stig. Þeir voru spútniklið deildarinnar í fyrra, spiluðu skemmtilega og skoruðu mikið. Þórsarar báru sigurorð af ÍR í fyrstu umferð deildarinnar með því að halda markaskoruninni í skefjum en KA fór aðra leið að sigrinum. ÍR skoraði fullt af mörkum í leiknum en KA skoraði bara fleiri!

Næsta viðureign KA í deildinni verður gegn Íslandsmeisturum Fram á útivelli, föstudaginn 10. október.

Mörk KA: Bjarni Ófeigur Valdimarsson 10 (1 víti), Morten Linder 10 (2 víti), Giorgi Arvelodi Dikhaminjia 8, Bruno Bernat 3, Jens Bragi Bergþórsson 3, Einar Birgir Stefánsson 2, Logi Gautason 2, Aron Daði Stefánsson 1, Jóhann Geir Sævarsson 1, Magnús Dagur Jónatansson 1.

Varin skot: Bruno Bernat 10 (25%), Guðmundur Helgi Imsland 0.

Mörk ÍR: Baldur Fritz Bjarnason 9 (6 víti), Bernard Kristján Owusu Darkoh 7, Eyþór Ari Waage 4, Jökull Blöndal Björnsson 3, Óðinn Freyr Heiðmarsson 3, Róbert Snær Örvarsson 3, Elvar Otri Hjálmarsson 2, Patrekur Smári Arnarsson 2, Sveinn Brynjar Agnarsson 2, Ólafur Rafn Gíslason 1.

Varin skot: Ólafur Rafn Gíslason 15 (28,3%).

Tölfræði leiksins hjá HBStatz