Mælir með aðventuferð í Freyvangsleikhúsið

„Niðurstaða okkar þriggja sem fórum á sýninguna, var að það væri full ástæða til að kúpla sig út frá öllu og fara í Freyvangsleikhúsið á aðventunni,“ segir Pétur Guðjónsson í pistli um Jólaköttinn, jólaævintýri eftir Jóhönnu S. Ingólfsdóttur sem einnig leikstýrir verkinu. Frumsýning var í gærkvöldi.

„Sýningin er stutt, sem gerir Tiktok kynslóðinni kleift að halda athygli. Og boðskapurinn sem höfundur hefur óbilandi trú á, samkvæmt því sem fram kemur í leikskrá; hið góða, kærleikur, væntumþykja og virðing eru megin stef í sýningunni. Það á vel við þegar aðventan gengur í garð,“ skrifar Pétur sem fór í leikhús ásamt barnabörnum sínum, Emilíu Ósk og Hauki Heiðari.

• Pistill Péturs Guðjónssonar: Þið kannist við jólaköttinn ...