Fara í efni
Pistlar

Bólusett á Glerártorgi við Covid og inflúensu

Bólusetning á Slökkvistöðinni á Akureyri á síðasta ári. Bólusett er á Glerártorgi að þessu sinni. Lj…
Bólusetning á Slökkvistöðinni á Akureyri á síðasta ári. Bólusett er á Glerártorgi að þessu sinni. Ljósmynd: Skapti Hallgrímsson

Boðið er upp á örvunarskammt af bóluefni við COVID-19 og inflúensu bólusetningu fyrir 60 ára og eldri og áhættuhópa í vikunni og í byrjun næsta mánaðar fyrir þá sem eru ekki í áhættuhópi.

Bólusetningin fer í báðum tilfellum fram á Glerártorgi, í plássinu þar sem Kaffi Torg var.

Byrjað var í dag en á morgun, miðvikudag 28. september, verður opið frá klukkan 13.00 til 17.00.

Tímapantanir fara fram á heilsuvera.is eða í síma 432 4600

Í tilkynningu frá Heilbrigðisstofnun Norðurlands segir að sóttvarnarlæknir hafi nú heimilað að gefa á sama tíma bóluefni við COVID-19 og bóluefni við inflúensu. Þau sem koma í bólusetningu hafa því val um hvort þau fá bæði bóluefnin á sama tíma eða aðeins annað þeirra.

Áhættuhópar sem eru í forgangi fyrir bæði inflúensu- og COVID-19 bólusetningar eru:

  • Allir einstaklingar 60 ára og eldri.
  • Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.
  • Barnshafandi konur.
  • Heilbrigðisstarfsmenn sem annast einstaklinga í áhættuhópum sem taldir eru upp hér að ofan.

Örvunarskammtur fyrir áhættuhópa: Bólusett með nýrri útgáfu af bóluefnum frá Pfizer/Moderna.

Grunnbólusetning: Bólusett með upprunalegum bóluefnum frá Pfizer/Moderna.[GH3] [GH4]

Bólusetningar við COVID-19 og inflúensu fyrir þá sem ekki eru í áhættuhópi

Glerártorg, þar sem Kaffi Torg var

  • Þriðjudaginn 4. október kl. 13:00-17:00
  • Miðvikudaginn 5. október kl. 13:00-17:00

Tímapantanir fara fram á heilsuvera.is eða í síma 432 4600

Fyrirtæki geta sent inn lista eins og verið hefur sjá eyðublað á hsn.is.

Bólusetning við COVID-19 verður landsmönnum áfram að kostnaðarlausu en innheimt verður hefðbundið komugjald fyrir bólusetningu við inflúensu.

Nánari upplýsingar um fyrirkomulag bólusetninga hjá HSN eru hér  

Heimsóknavinir

Starfsfólk Rauða krossins skrifar
28. janúar 2023 | kl. 06:00

Gljávíðir

Sigurður Arnarson skrifar
25. janúar 2023 | kl. 12:00

Kvikmyndir og raunveruleiki

Sigurður Ingólfsson skrifar
23. janúar 2023 | kl. 10:45

Hús dagsins: Lundur

Arnór Bliki Hallmundsson skrifar
21. janúar 2023 | kl. 06:00

Ekkert vandamál er of lítið eða stórt

Starfsfólk Rauða krossins skrifar
21. janúar 2023 | kl. 06:00

Stjörnuljós í Hofi

Jón Hlöðver Áskelsson skrifar
18. janúar 2023 | kl. 18:00