Fara í efni
Pistlar

19 í einangrun á Norðurlandi eystra

Í gær greindust 286 smitaðir af Covid-19 hérlendis og hafa aldrei verið fleiri á einum degi. Á Norðurlandi eystra eru nú 39 í sóttkví og 19 í einangrun. Enginn liggur á Sjúkrahúsinu á Akureyri vegna Covid. Ekki liggja fyrir tölur fyrir Akureyri og næsta nágrenni.

106 af þeim 286 sem greindust innanlands voru í sóttkví við greiningu – 37%. 180 voru utan sóttkvíar – 63% skv. síðunni Covid.is.

Nú eru 2.023 í einangrun vegna Covid-19 hérlendis en voru 1.817 í gær. 3.028 eru nú í sóttkví, en voru 2.806 í gær. Á vef Landspítalans kemur fram að 12 liggi þar inni vegna Covid-19, þar af tveir á gjörgæslu, annar þeirra í öndunarvél.

Þrátt fyrir að Ómíkron-afbrigði kórónuveirunnar sé veikara en Delta-afbriðið er það erfiðara viðfangs að sögn Páls Melsted, prófessors í tölvunarfræði við Háskóla Íslands og deildarstjóra hjá Íslenskri erfðagreiningu.

„Það er enn þá verra fyrir samfélagið að vera með örlítið veikari veiru sem breiðist út miklu hraðar en eitthvað sem leggst verra á einstaklinginn,“ sagði Páll í Speglinum í Ríkisútvarpinu í gær.

Lagning

Sigmundur Ernir Rúnarsson skrifar
18. mars 2024 | kl. 11:30

Í leikhúsi hugans

Jón Óðinn Waage skrifar
17. mars 2024 | kl. 11:50

Hvar fær maður svona engisprettu?

Rakel Hinriksdóttir skrifar
15. mars 2024 | kl. 09:00

Hin evrópska olía: Olea europaea L.

Sigurður Arnarson skrifar
13. mars 2024 | kl. 10:25

Siginn fiskur

Sigmundur Ernir Rúnarsson skrifar
11. mars 2024 | kl. 11:30

Hús dagsins: Eyrarlandsvegur 8; Æsustaðir

Arnór Bliki Hallmundsson skrifar
11. mars 2024 | kl. 10:30