Fara í efni
Umræðan

Kjósum gott veður

Kjósum gott veður

Gengið er til sveitarstjórnakosninga á morgun. Kosningarnar snúast að mestu um það hverjum við treystum til að reka sveitarfélagið okkar til næstu ára. Hverjum við treystum til að styrkja nærsamfélagið og sveitarfélagið til frekari vaxtar.

Undanfarnar vikur hafa farið í mikinn kosningaundirbúning, þar er framlag baklandsins dýrmætt og Sjálfstæðisflokkurinn á Akureyri nýtur krafta vandaðra einstaklinga sem leggja hönd á plóg til að vinna sjálfstæðisstefnunni framgang í sveitarfélaginu. Ég er þakklát fyrir okkar kraftmikla fólk sem hefur lagt mikla vinnu í þetta kosningaár sem senn er að líða.

Áhersla á unga fólkið

Sjálfstæðisflokkurinn á Akureyri ætlar að setja ungt fólk og börnin þeirra í forgang. Það er löngu kominn tími til. Sú áhersla mun verða þess valdandi að fleiri ungir Akureyringar, sem flytja hafa þurft suður til að sækja nám, munu sjá hag sinn í því að flytja aftur heim til að stofna fjölskyldu og framtíð hér. Einnig mun það laða að sér nýjar fjölskyldur í bæinn.

Öflugt framboð Sjálfstæðisflokksins á Akureyri

Í framboði fyrir Sjálfstæðisflokkinn á Akureyri er úrvalslið í efstu deild. Nýr oddviti okkar, Heimir Örn Árnason, er sterkur leiðtogi sem leggur mikið upp með að framboðið vinni saman sem ein heild. Það hefur verið stórkostlegt að fylgjast með kosningabaráttunni hér á Akureyri, þar sem jákvæðni og bjartsýni hefur einkennt hana. Á stuttum tíma hefur Heimir sett sig inn í málin af miklum áhuga og einlægni fyrir því að sinna sínu starfi vel.

Á Akureyri er kominn tími til að Sjálfstæðisflokkurinn leiði meirihlutasamstarf.

Kjósum gott veður fyrir rekstur sveitarfélagsins næstu fjögur árin.

Setjum x við D fyrir Akureyri okkar allra!

Berglind Ósk Guðmundsdóttir er þingmaður Norðausturkjördæmis

Örugg skref í átt að sjálfbærni

Elma Eysteinsdóttir skrifar
05. desember 2022 | kl. 21:00

Metnaðarfull áætlun fyrir sveitarfélagið

Heimir Örn Árnason skrifar
05. desember 2022 | kl. 20:35

Ánægð með að hlustað var á Samfylkinguna

Hilda Jana Gísladóttir skrifar
05. desember 2022 | kl. 16:55

Aukið fjármagn frá ríkinu breytir stöðunni

Sunna Hlín Jóhannesdóttir skrifar
05. desember 2022 | kl. 16:00

Fjárhagsáætlun Akureyrarbæjar

Jana Salóme Ingibjargar Jósepsdóttir skrifar
05. desember 2022 | kl. 15:45

Enn um skammsýni skipulagsyfirvalda á Akureyri

Sigurbjörg Pálsdóttir skrifar
05. desember 2022 | kl. 15:20