Gamla íþróttamyndin II – ÍBA lið í handbolta
![](/static/news/lg/2-gamla-ithr.jpg)
GAMLA ÍÞRÓTTAMYNDIN – II
Lesendur brugðust skemmtilega við fyrstu gömlu íþróttamyndinni sem birtist á Akureyri.net síðastliðinn laugardag. Þar púttaði Jóhann Þorkelsson héraðslæknir á gamla golfvellinum við Þórunnarstræti á Akureyri.
Leiknum er nú haldið áfram og svo verður á hverjum laugardegi. Á mynd dagsins er kvennalið Íþróttabandalags Akureyrar (ÍBA) í handknattleik fyrir margt löngu.
Þekkirðu nöfn leikmannanna? Veistu hvar og hvenær myndin var tekin? Kanntu jafnvel einhverjar sögur af þessu eða öðrum kvennaliðum ÍBA í handbolta?
Ritstjóri Akureyri.net þykist þekkja nokkra leikmenn í sjón en biðlar til lesenda að skoða myndina gaumgæfilega og leggja höfuðið í bleyti.
Vinsamlega sendið allar upplýsingar á netfangið skapti@akureyri.net – það væri ómetanlegt aðstoð í þeirri viðleitni að safna saman sem mestum fróðleik um íþróttalífið í bænum á árum áður.