Fara í efni
Umræðan

Ábending

Vegna nokkurrar ónákvæmni um Kristnesspítala á heimasíðu Sjúkrahússins á Akureyri langar mig til að koma að leiðréttingu við þróunarsögu spítalans. Sú skekkja sem fram kemur á heimasíðunni (í grein í tilefni 90 ára afmælis Kristnesspítala fyrir fimm árum) hefur komið fram á nokkrum öðrum stöðum undanfarin ár og finnst mér því þörf á að gera leiðréttingu við sagnfræðina.

Því er gjarnan haldið fram að breyting hafi orðið á spítalanum með ákvörðun heilbrigðisráðherra að gera Kristnesspítala að hjúkrunar- og endurhæfingarspítala 1976.

Það sem gerðist árið 1976 var fyrst og fremst að hætt var að skilgreina spítalann sem berklahæli og þurfti því að finna nýja skilgreiningu í samræmi við þágildandi reglur um flokkun heilbrigðisstofnana. Þessari ákvörðun fylgdu engin fyrirmæli, fjármunir, stefnumörkun eða annað nesti til framtíðarinnar. Þrátt fyrir breytingu á flokkun spítalans á pappírum varð engin breyting á rekstri spítalans fyrr en 1986 – 1987 eða tíu árum eftir undirritun bréfs ráðherra. Því þurftu stjórnendur spítalans að finna honum nýtt hlutverk í heilbrigðiskerfinu. Var nokkur vinna lögð í að þarfagreina ástand heilbrigðisþjónustu á Norðurlandi eystra. Ýmis starfsemi kom til greina, en að lokum var ákveðið að stefna á að á Kristnesspítala skuli rekin hjúkrunar- og endurhæfingardeild. Málið var unnið í náinni samvinnu við heilbrigðismálaráð Norðurlands eystra, en það ráð samanstóð af einum fulltrúa frá hverri heilbrigðisstofnun á Norðurlandi eystra og var héraðslæknir formaður ráðsins. Ráðið studdi framgang málsins af heilum hug og var það mesti styrkur sem framgangur málsins fékk í héraði. Að öðru leyti en því sem stjórnarnefnd ríkisspítalanna og heilbrigðismálaráð studdu við tillögu stjórnenda var framvinda framkvæmda algerlega á höndum stjórnenda Kristnesspítala.

Á fundi stjórnarnefndar ríkisspítala 25. ágúst 1986 samþykkti nefndin fyrirliggjandi starfsemis- og byggingaáætlun stjórnenda. Í framhaldi af því samþykkti heilbrigðisráðuneytið þær áætlanir. Þar með var hægt að hefjast handa við uppbyggingu á Kristnesspítala til framtíðar.

Með þessum pistli mínum vil ég aðeins leiðrétta þann útbreidda misskilning að eitthvað hafi breyst á Kristnesspítala með nýrri flokkun spítalans á pappírum.

Bjarni B. Arthursson var framkvæmdastjóri Kristnesspítala frá 1980 til 1993.

Ingvexit?: Þegar þingmenn gleyma kjósendum sínum

Axel Björnsson skrifar
18. nóvember 2026 | kl. 11:45

Við eigum að vera við stýrið!

Svava Björk Ólafsdóttir skrifar
18. nóvember 2026 | kl. 11:15

Erum við ekki í sama liði?

Þorleifur Ananíasson skrifar
16. nóvember 2026 | kl. 06:00

Tíu milljarða halli

Njáll Trausti Friðbertsson skrifar
15. nóvember 2026 | kl. 11:45

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30