Þrjú frá GA eru í landsliðshópum á EM

Golfklúbbur Akureyrar á þrjá fulltrúa í landsliðum kvenna, karla og yngra landsliði sem taka þátt í Evrópumótum sem öll fara fram á sama tíma, dagana 8.-12. júlí.

Evrópumót kvenna fer fram í Frakklandi, karlarnir spila á Írlandi og yngri landsliðin á Englandi og í Ungverjalandi. GA á fulltrúa í þremur þessara landsliða.

Andrea Ýr Ásmundsdóttir var valin í kvennalandsliðið, Veigar Heiðarsson í karlalandsliðið og Bryndís Eva Ágústsdóttir í stúlknalandsliðið. Bryndís Eva var einnig valin til þátttöku á European Young Masters í Frakklandi 24.-26. júlí.

Frá þessu er sagt á vef GA.