Fara í efni
Umræðan

Sælla er að gefa en þiggja

Öll viljum við fá að njóta jólanna með öllu því sem þau hafa upp á að bjóða. Við viljum klæða okkur í sparifötin, borða góðan mat og vera í góðum félagsskap, meiri kröfur getur maður ekki gert og ætti ekki að gera. En það eru ekki allir svo lánsamir að geta leyft sér þennan munað um jólin. Ástæðurnar geta verið margvíslegar.

Í desember eru flestir uppteknir af því að þrífa hús sín og skreyta, kaupa gjafir, fara á jólatónleika svo ekki sé minnst á jólahlaðborðin. En svo eru þeir líka til sem vilja láta gott af sér leiða og gleðja aðra sem hafa kannski minni tækifæri til að njóta.

Fyrir stuttu síðan fékk ég símtal og erindið var einfalt, viðkomandi vildi bjóða okkur fólkinu í Lautinni, sem er athvarf fyrir fólk með geðræna erfiðleika, upp á jólaveislu að hætti ömmu. Hann myndi kaupa allt hráefnið og sjá svo sjálfur um að elda og gera okkur glaðan dag.

Úr varð frábær jólaveisla fyrir rúmlega 20 manns þar sem boðið var upp á svínahamborgarhrygg með öllu tilheyrandi og toppurinn var svo möndlugrauturinn með tilheyrandi möndlugjöf þar sem allir voru sigurvegarar.

Þakklæti er okkur efst í huga eftir þessa hátíðlegu stund. Takk, Hallgrímur Sigurðarson!

Ólafur Torfason er forstöðumaður Lautarinnar 

Hallgrímur Sigurðarson matreiðslumeistari við jólaborðið í Lautinni.

Hugleiðingar um skólamál á Akureyri og spurningar til Sjálfstæðisflokksins

Inga Huld Sigurðardóttir skrifar
18. september 2025 | kl. 08:30

Hin gáttin

Þórhallur Jónsson skrifar
16. september 2025 | kl. 15:00

Samgöngufélagið Þjóðbraut

Jens Garðar Helgason skrifar
16. september 2025 | kl. 11:20

Stöndum með Háskólanum á Akureyri

Jón Bjarnason skrifar
15. september 2025 | kl. 22:00

Sterkt skólasamfélag á Akureyri, sameiginleg ábyrgð og framtíðarsýn

Heimir Örn Árnason skrifar
13. september 2025 | kl. 12:00

Reynslunni ríkari eftir fjár­hags­leg á­föll síðustu ára

Njáll Trausti Friðbertsson skrifar
09. september 2025 | kl. 08:00