KA tapaði með 10 marka mun fyrir Aftureldingu

Eftir þrjá sigra í röð í Olís deildinni í handbolta var KA-mönnum kippt niður á jörðina í kvöld. Þeir sóttu Aftureldingu heim í Mosfellsbæ og töpuðu með 10 marka mun, 34:24.

Stjarnan vann Fram í kvöld og hafði sætaskipti við KA; Stjarnan fór upp í sjöunda sæti með 17 stig og KA færðist niður í það áttunda, er áfram með 16. Grótta tapaði fyrir Val og er enn þremur stigum á eftir KA þegar tvær umferðum er ólokið og því fjögur stig í pottinum.

Í Mosfellsbænum hafði Afturelding fjögurra marka forystu í hálfleik, 20:16 en KA-menn áttu í miklum erfiðleikum í sókninni eftir hlé og gerðu aðeins átta mörk í seinni hálfleik.

Mörk KA: Einar Birgir Stefánsson 7, Einar Rafn Eiðsson 5 (2 víti), Skarphéðinn Ívar Einarsson 4, Ólafur Gústafsson 2, Ott Varik 2, Magnús Dagur Jónatansson 1, Logi Gautason 1, Jens Bragi Bergþórsson 1, Dagur Árni Heimisson 1.

Varin skot: Nicolai Horntvedt Kristensen 9 (31%), Bruno Bernat 2 (13,3%)

Smellið hér til að sjá alla tölfræðina

Úrslit í leikjum kvöldsins:

• Afturelding – KA 34:24
• Selfoss – ÍBV 20:29
• Valur – Grótta 26:24
• Fram - Stjarnan 32:34
• Víkingur – HK 21:26
• FH – Haukur 28:31

Stjarnan er orðin örugg með sæti í úrslitakeppninni. Grótta getur aðeins jafnað Stjörnuna að stigum og síðarnefnda liðið er með betri árangur í innbyrðis leikjum þeirra í vetur. Því stendur baráttum um síðasta sæti í átta liða úrslitunum á milli KA og Gróttu og er KA í betri stöðu; vann Gróttu með fjögurra marka mun á heimavelli en tapaði með þremur mörkum á Seltjarnarnesi.

KA gæti skotist upp fyrir Stjörnuna og náð sjöunda sæti því aðeins munar einu stigi á liðunum. 

Þriðjudaginn 2. apríl

• KA - Valur
• Stjarnan - HK
• Grótta - FH

Föstudaginn 5. apríl

• FH - KA
• Selfoss - Grótta
• Víkingur - Stjarnan

Smellið hér til að sjá stöðuna í deildinni.