Jajalo varði tvö víti og KA mætir Val í úrslitum

KA-menn leika til úrslita í A-deild Lengjubikarkeppninnar í knattspyrnu í ár. Þeir mættu Vestmannaeyingum í undanúrslitum í Akraneshöllinni í dag og eftir markalausan leik höfðu KA-strákarnir betur í vítaspyrnukeppni.

Kristijan Jajalo, markvörður KA, var hetja sinna manna í dag; hann varði tvær vítaspyrnur en Guy Smit í marki ÍBV varði eitt víti, frá Harley Willard.

Valur vann Víking 1:0 í dag í hinum leik undanúrslitanna og það verða því KA og Valur sem leika til úrslita í keppninni 30. mars

ÍBV - KA, vítaspyrnukeppnin:

• 0:1 Hallgrímur Mar Steingrímsson
• 1:1 Eiður Aron Sigurbjörnsson
• 1:2 Sveinn Margeir Hauksson
• 2:2 Filip Valencic
• 2:3 Bjarni Aðalsteinsson
• 2:3 Kristijan Jajalo ver frá Elvis Bwomono
• 2:4 Hrannar Björn Steingrímsson
• 3:4 Felix Örn Friðriksson
• 3:4 Guy Smit ver frá Harley Willard
• 3:4 Kristijan Jajalo ver frá Alex Frey Hilmarssyni

Smellið hér til að sjá leikskýrsluna