Handbolti og körfubolti á dagskrá vikunnar

Leikir vikunnar dreifast jafnt á sex daga, einn leikur á dag. Fótboltinn kominn í frí og eingöngu handbolti og körfubolti á dagskrá Akureyrarliðanna í þessari viku.

• Handbolti: Bæði Akureyrarliðin í Olísdeild karla unnu í síðustu umferð, KA gegn Aftureldingu og Þór gegn Stjörnunni. Það verður nóg um að vera fyrir handboltaáhugafólk næstu daga því Akureyrarliðin eiga útileik í miðri viku og svo heimaleik um komandi helgi.
  • Þórsarar hefja vikuna með heimsókn í Mosfellsbæin á morgun, þriðjudag. Þórsarar eru í 7. sætinu með sex stig að loknum sjö umferðum. Afturelding er tveimur sætum ofar með níu stig. Á sunnudag tekur Þór svo á móti FH.
  • KA á útileik á miðvikudag, sækir þá FH heim í Kaplakrikann. FH er í 2. sæti deildarinnar með 11 stig, einu stigi meira en KA sem situr í þriðja sætinu. Strax á laugardag tekur KA svo á móti hinu Hafnarfjarðarliðinu, Haukum, sem eru í efsta sæti deildarinnar með fullt hús. Það er því óhætt að orða það þannig að fram undan séu verðug verkefni hjá KA-liðinu. 
• Handbolti: Handboltakonurnar í KA/Þór eiga einnig leik í vikunni, en þær náðu í sín fyrstu stig með sigri á Stjörnunni í síðustu umferð. Með sigrinum fóru þær upp í 8. sætið, en þrjú lið eru jöfn í þremur neðstu sætunum með tvö stig, KA/Þór, HK og Stjarnan. KA/Þór sækir einmitt HK heim í næstu umferð á föstudag. Mikilvæg stig í boði í baráttu neðstu liðanna.
• Körfubolti: Karlalið Þórs í körfuboltanum náði einnig í sinn fyrsta sigur um liðna helgi. Þórsarar höfðu tapað fyrstu þremur leikjum sínum í deildinni, ásamt bikarleik, en unnu Fjölni í jöfnum spennuleik síðastliðinn föstudag. Þór og Fjölnir eru jöfn í 9. og 10. sætinu, bæði með einn sigur í fyrstu fjórum umferðunum. Næsti leikur er heimaleikur gegn Haukum, en Hafnarfjarðarliðið er í 2. sæti deildarinnar með fullt hús, fjóra sigra eins og ÍA sem er á toppnum.

ÞRIÐJUDAGUR 27. OKTÓBER - handbolti

• Handbolti
  Olísdeild karla, 8. umferð
  Varmá í Mosfellsbæ kl. 18:30
  Afturelding - Þór

MIÐVIKUDAGUR 28. OKTÓBER - handbolti

• Handbolti
  Olísdeild karla, 8. umferð
  Kaplakriki í Hafnarfirði kl. 18.30
  FH - KA

FIMMTUDAGUR 29. OKTÓBER - körfubolti

• Körfubolti
  1. deild karla, 5. umferð
  Íþróttahöllin á Akureyri kl. 19:15
  Þór - Haukar

FÖSTUDAGUR 30. OKTÓBER - handbolti

• Handbolti
  Olísdeild kvenna, 7. umferð
  Kórinn í Kópavogi kl. 19
  HK - KA/Þór

LAUGARDAGUR 31. OKTÓBER - handbolti

• Handbolti
  Olísdeild karla, 9. umferð
  KA-heimilið kl. 18:30
  KA - Haukar

SUNNUDAGUR 1. nóvember - handbolti

• Handbolti
  Olísdeild karla, 9. umferð
  Íþróttahöllin á Akureyri kl. 15
  Þór - FH

Stöður í deildum og leikjadagskrár

Blak

• Unbroken-deild kvenna | BLÍ
• Unbroken-deild karla | BLÍ

Handbolti

• Olís deild kvenna | HSÍ
• Olís deild karla | HSÍ
• Bikarkeppni karla | HSÍ
• Bikarkeppni kvenna | HSÍ

Íshokkí

• Toppdeild kvenna | ÍHÍ
• Toppdeild karla | ÍHÍ

Körfubolti

• 1. deild kvenna | KKÍ
• 1. deild karla | KKÍ
• Bikarkeppni kvenna | KKÍ

Lesendur eru hvattir til að minna á íþróttaviðburði hvers kyns sem fram undan eru í meistaraflokkum, sérstaklega ef eitthvað verður út undan og gleymist í þessari vikulegu yfirferð í vikubyrjun hér á akureyri.net – sendið tölvupóst í haraldur@akureyri.net ef koma þarf slíkum upplýsingum á framfæri.