Fyrirsæta dagsins sem „veifaði“ Emmu

Emma Hulda Steinarsdóttir sem búsett er í Hörgársveit, steinsnar norðan Akureyrar, mætti þessum fallega smyrli þegar hún brá sér í göngutúr í vikunni í sveitinni. Emma heldur út eftir vinnu flesta daga vopnuð myndavél, einmitt í því skyni að mynda fugla og því má segja að vel hafi borið í veiði að þessu sinni.

„Fyrirsæta dagsins,“ skrifaði Emma þegar hún birti myndir af fuglinum á Facebook síðu sinni. Meðfylgjandi mynd birti hún síðan á Facebook síðunni Fuglar á Íslandi - Birds in Iceland og skrifaði þar: „Þessi sæti smyrill veifaði mér í göngutúrnum í dag.“ Svo virðist einmitt sem smyrillinn, þessi algengasti íslenski ránfugl, veifi til ljósmyndarans á þessari flottu mynd.

Facebook síða Emmu

Facebook síðan Íslenskir fuglar