Bryndís Eva í 13. sæti eftir 2 hringi

Bryndís Eva Ágústsdóttir úr GA lék sinn annan hring á European Young Masters í Frakklandi í dag. Bryndís Eva lék fyrsta hringinn í gær á pari vallarins en í dag lék hún á fjórum höggum yfir pari og er jöfn í 13. sæti af 58 stúlkum.

Bryndís Eva er einn fjögurra kylfinga sem valdir voru fyrir Íslands hönd til að taka þátt í þessu móti, sem er fyrir 16 ára og yngri. Tvær stúlkur og tveir piltar keppa fyrir Ísland og auk einstaklingskeppninnar er líka keppt í liðakeppni, þar sem lægsta skor þriggja kylfinga af fjórum gildir. Eftir tvo keppnisdaga er íslenska liðið í 18. sæti af 28 liðum.

Þriðji og síðasti keppnisdagurinn er á morgun, laugardag.

Hægt er að fylgjast með gangi mála í mótinu hér.