Alls konar íþróttaleikir í boði í vikunni

Áfram er nóg framboð af íþróttaviðburðum, heima og að heiman. Vetrargreinarnar komnar á fullt og örlagalaugardagur fram undan í fótboltanum. Handboltalið bæjarins spila öll í vikunni, sem og bæði körfuboltaliðin, blaklið karla og bæði íshokkíliðin. Þrír af hverjum fjórum kappleikjum næstu daga eru hins vegar á útivöllum.

• Handbolti: Karlalið Þórs og KA eiga bæði heimaleiki í vikunni. Þór tekur á móti Stjörnunni og KA á móti Aftureldingu. Bæði liðin töpuðu í síðustu umferð, Þór gegn ÍBV í Eyjum og KA gegn Stjörnunni í Garðabænum. KA færðist niður í fjórða sætið með tapinu, er þar með átta stig úr fyrstu sex leikjunum. Þór er í níunda sætinu með fjögur stig.
• Handbolti: KA/Þór náði í sín fyrstu stig með sigri á Stjörnunni á heimavelli í síðustu umferð, færði sig upp um tvö sæti með sigrinum. Þrjú lið eru jöfn í neðstu sætunum, KA/Þór, HK og Stjarnan, öll með tvö stig. KA/Þór sækir einmitt HK heim í næsta leik þar sem í boði eru mikilvæg tvö stig.
• Körfubolti: Karlalið Þórs í körfuboltanum hefur ekki enn náð að vinna leik það sem af er tímabilinu, þrjú töp í deildinni og eitt í bikarnum. Þórsarar sækja Fjölni heim í fjórðu umferð 1. deildarinnar á föstudag.
• Íshokkí: Fyrsta Ofurhelgin af þremur í Toppdeild karla í íshokkí er fram undan. Þetta fyrirkomulag var prófað í fyrra og hefur greinilega tekist það vel að ákveðið var að halda áfram með það. Ofurhelgin felst í því að meistaraflokksliðin þrjú, SA, SR og Fjölnir mætast öll einu sinni á sama stað yfir helgina. Ofurhelgarnar verða þannig einu sinni á vetri í hverri skautahöll. Sú fyrsta fer fram í Skautahöllinni í Laugardal um komandi helgi. SA Víkingar, sem unnu eftirminnilegan 6-0 sigur á SR um liðna helgi, spila sína leiki á föstudag og laugardag. Þeir mæta SR á föstudag og Fjölni á laugardag. Reykjavíkurfélögin mætast svo á sunnudag. Liðið sem heldur Ofurhelgina fær hvíldardag á milli, spilar á föstudegi og sunnudegi.
• Blak: Karlalið KA í blaki heldur vestur á Ísafjörð þar sem tekin verður tveggja leikja helgi gegn Vestra. Fyrri leikurinn á laugardag og sá seinni á sunnudag. KA hefur spilað þrjá leiki til þessa og aðeins unnið einn þeirra, situr núna í 6. sæti deildarinnar með þrjú stig. Vestri er hins vegar í 2. sæti deildarinnar með átta stig úr jafnmörgum leikjum.
• Fótbolti: Á laugardag ræðst það hvort Akureyrarliðanna í karlafótboltanum fellur úr Bestu deildinni. Fyrir viku voru KA-menn með örlögin í eigin höndum, en það snerist við í næstsíðustu umferðinni, KA tapaði og Þór vann þannig að nú eru Þórsarar með örlögin í eigin höndum.
  KA tekur á móti ÍBV á sama tíma og Þór sækir FH heim á laugardag kl. 14. Vinni Þór heldur liðið sér uppi, en KA fellur. KA þarf að vinna sinn leik og treysta á að Þór vinni ekki sinn leik til að snúa dæminu við, að KA haldi sér uppi, en Þór falli. Þriðji möguleikinn er svo að KA geri jafntefli og þyrfti þá að treysta á tap Þórs. Það myndi duga KA til að halda sér uppi vegna mun hagstæðari markatölu en hjá Þór. Hvernig sem fer er ljóst að Akureyrarliðin munu enda í 10. og 11. sæti deildarinnar, bara spurning hvort verður hvar.
  
  • Staðan fyrir lokaumferðina
    10. sæti - Þór - 27 stig - mínus 31 í markatölu
    11. sæti - KA - 26 stig - mínus 13 í markatölu
• Körfubolti: Kvennalið Þórs í körfubolta hefur unnið tvo af fyrstu þremur leikjum sínum í 1. deildinni og sækir ÍR heim í Breiðholtið í næstu umferð. Þór er í 4. sæti deildarinnar, en fimm efstu liðin hafa öll unnið tvo leiki. ÍR er í 8. sæti deildarinnar með einn sigur úr tveimur leikjum. Þór vann KV örugglega á heimavelli í síðustu umferð. 
• Íshokkí: Kvennalið Skautafélags Akureyrar verður einnig á faraldsfæti eins og karlarnir. Lið SA sækir Íslandsmeistara SR heim í Laugardalinn á laugardag. Aðeins er þremur leikjum lokið í deildinni. SA hefur unnið tvo leiki, en tapaði einum í framlengingu, einmitt fyrir SR. 

MIÐVIKUDAGUR 21. OKTÓBER - handbolti

• Handbolti
  Olísdeild karla, 7. umferð
  Íþróttahöllin á Akureyri kl. 19
  Þór - Stjarnan

FIMMTUDAGUR 22. OKTÓBER - handbolti

• Handbolti
  Olísdeild karla, 7. umferð
  KA-heimilið kl. 19
  KA - Afturelding

FÖSTUDAGUR 23. OKTÓBER - handbolti, körfubolti, íshokkí

• Handbolti
  Olísdeild kvenna, 7. umferð
  Kórinn í Kópavogi kl. 19
  HK - KA/Þór

• Körfubolti
  1. deild karla, 4. umferð
  Dalhús í Grafarvogi kl. 19:15
  Fjölnir - Þór

• Íshokkí
  Toppdeild karla, Ofurhelgi
  Skautahöllin í Laugardal kl. 19:45
  SR - SA

LAUGARDAGUR 24. OKTÓBER - blak, fótbolti, körfubolti, íshokkí

• Blak
  Unbroken-deild karla
  Íþróttahúsið Torfnesi á Ísafirði kl. 13
  Vestri - KA

• Fótbolti
  Besta deild karla, neðri hluti, 27. umferð
  KA-völlur (Greifavöllurinn, gervigras við KA-heimilið) kl. 14
  KA - ÍBV

• Fótbolti
  Besta deild karla, neðri hluti, 27. umferð
  Kaplakrikavöllur í Hafnarfirði kl. 14
  FH - Þór

• Íshokkí
  Toppdeild karla, Ofurhelgi
  Skautahöllin í Laugardal kl. 16:45
  Fjölnir - SA

• Körfubolti
  1. deild kvenna, 4. umferð
  Skógarsel í Breiðholti kl. 18
  ÍR - Þór
  

  ---

• Íshokkí
  Toppdeild kvenna
  Skautahöllin í Reykjavík kl. 19:45
  SR - SA

SUNNUDAGUR 25. OKTÓBER - blak

• Blak
  Unbroken-deild karla
  Íþróttahúsið Torfnesi á Ísafirði kl. 13
  Vestri - KA

Stöður í deildum og leikjadagskrár

Blak

• Unbroken-deild kvenna | BLÍ
• Unbroken-deild karla | BLÍ

Fótbolti

• Besta deild karla - neðri hluti - | KSÍ

Handbolti

• Olís deild kvenna | HSÍ
• Olís deild karla | HSÍ
• Powerade bikar karla | HSÍ

Íshokkí

• Toppdeild kvenna | ÍHÍ
• Toppdeild karla | ÍHÍ

Körfubolti

• 1. deild kvenna | KKÍ
• 1. deild karla | KKÍ

Lesendur eru hvattir til að minna á íþróttaviðburði hvers kyns sem fram undan eru í meistaraflokkum, sérstaklega ef eitthvað verður út undan og gleymist í þessari vikulegu yfirferð í vikubyrjun hér á akureyri.net – sendið tölvupóst í haraldur@akureyri.net ef koma þarf slíkum upplýsingum á framfæri.