Segir bæjarfulltrúa vilja að Þór hætti með handbolta

„Það er ekkert leyndarmál að bæjarfulltrúar hafa komið að máli við hæstráðendur hjá Þór og hreinlega beðið þá um að leggja niður handbolta, hætta með handbolta vegna aðstöðuleysis. Gert grín að ráðningu þjálfara handknattleiksdeildarinnar opinberlega. Hef ég heyrt margt skrautlegt um ævina en þetta fer á toppinn.“

Þetta segir Árni Rúnar Jóhannesson, formaður handknattleiksdeildar Þórs, meðal annars í grein sem hann sendi Akureyri.net til birtingar. Greinin er opið bréf til bæjarfulltrúa á Akureyri. Þar fjallar Árni um aðstöðuleysi og segir:  „Bæjaryfirvöld verða að fara taka alvarlega þá bláköldu staðreynd að það bráðvantar eitt stykki íþróttahús á félagssvæði Þórs. Það myndi leysa allan vanda boltaíþrótta að vetrarlagi.“

Smellið hér til að lesa grein Árna Rúnars.