Kunningi frænda míns
18. maí 2024 | kl. 14:00
KA tekur á móti KR í dag í fimmtu umferð Bestu deildarinnar, efstu deildar Íslandsmótsins í knattspyrnu. Leikurinn hefst kl. 16.00 á Greifavellinum sunnan við KA-heimilið.
Óhætt er að segja að mikið sé í húfi fyrir KA-strákana því þeir hafa farið illa af stað í deildinni, eru aðeins með eitt stig eftir fjóra leiki, þar af þrjá á heimavelli. Þeir gætu að vísu verið með fleiri stig miðað við frammistöðu en hefur gengið illa að skora og verða hreinlega að gera betur upp við mark andstæðinganna en hingað til.