Fara í efni
Pistlar

Fjöldi fólks verður bólusettur í næstu viku

Bólusetning á slökkvistöðinni á Akureyri fyrir skemmstu. Ljósmynd: Skapti Hallgrímsson.

Í næstu viku fær Heilbrigðisstofnun Norðurlands um 4.000 skammta af bóluefni vegna Covid-19.

Astra Zeneca bóluefnið verður alla jafna nýtt til að hefja bólusetningu hjá þeim sem fæddir eru 1961 og fyrr. Gert er ráð fyrir að fara langt með þann hóp, skv. upplýsingum frá HSN.

Efnið frá Pfizer verður nýtt í seinni bólusetningu þeirra sem fengu bóluefni 6.-9 apríl og fyrri bólusetningu hjá þeim sem eru yngri en 60 ára og hafa undirliggjandi sjúkdóma.

Þeir sem voru bólusettir með Pfizer efninu hið fyrra sinni á Akureyri 8. apríl eiga að mæta aftur næsta þriðjudag, 27. apríl. Þeir sem hafa ekki farsíma og fá því ekki boð með sms eru beðnir um að mæta í seinni bólusetninguna á slökkvistöðina þann dag á milli klukkan 12 og 15. Þeir sem eru að fá fyrri bólusetninguna með Pfizer verða einnig bólusettir 27. apríl.

Þeir sem fæddir eru 1961 og fyrr, búsettir á Akureyri, fá fyrri bólusetningu fimmtudaginn 29. apríl. Fólk sem fætt er í þessum árgöngum og hefur ekki farsíma og fær því ekki boð með sms er beðið um að mæta í bólusetningu á slökkvistöðina 29. apríl milli kl. 09-12.

Hvernig er jafnvægið?

Guðrún Arngrímsdóttir skrifar
17. nóvember 2026 | kl. 06:00

Hið næstum heimsfræga hjóltré

Sigurður Arnarson skrifar
11. nóvember 2026 | kl. 08:00

Akureyrin í Þorvaldi

Hjörleifur Hjartarson skrifar
09. nóvember 2026 | kl. 17:30

Hús dagsins: Hafnarstræti 67; Skjaldborg

Arnór Bliki Hallmundsson skrifar
08. nóvember 2026 | kl. 06:00

Hraunfellsbræður

Jóhann Árelíuz skrifar
08. nóvember 2026 | kl. 06:00

Birkið í Trjáræktarstöðinni afhjúpað – Haustið kjaftar frá

Helgi Þórsson skrifar
04. nóvember 2026 | kl. 10:00