Fara í efni
Pistlar

900 börn bólusett: „Frábær mæting“

Þessi galvaski ungi maður var einn þeirra 900 barna sem voru bólusett á Akureyri í dag. Ljósmynd: Sk…
Þessi galvaski ungi maður var einn þeirra 900 barna sem voru bólusett á Akureyri í dag. Ljósmynd: Skapti Hallgrímsson.

„Ég er mjög glöð, og stolt af þessum duglegu börnum sem komu í dag. Þetta var frábær mæting,“ sagði Inga Berglind Birgisdóttir, yfirhjúkrunarfræðingur á Heilbrigðisstofnun Norðurlands á Akureyri, við Akureyri.net eftir að bólusetningu dagsins vegna Covid-19 lauk á slökkvistöðinni. Um 900 börn mættu og allt gekk eins og í sögu.

Aldrei hefur verið jafn löng röð fyrir utan slökkvistöðina síðan bólusetning hófst og í dag. Börnum á aldrinum 12 til 15 ára var boðin bólusetning en um 1200 eru á þeim aldri í sveitarfélaginu.

Börnin voru bólusett með efni frá Pfizer og fá seinni skammtinn eftir þrjár vikur.

„Allt hefur gengið mjög vel og áfallalaust fyrir sig. Krakkarnir hafa staðið sig svakalega vel,“ sagði Inga Berglind. Börnunum var boðin bólusetning í samstarfi við grunnskóla bæjarins og voru greinilega vel undirbúin. Foreldri eða annar aðstandandi var í för með hverju barni. Þau börn sem blaðamaður ræddi við voru galvösk og sögðust ekki hafa verið í neinum vafa um að þiggja sprautu.

Þau sem ekki komust í dag en vilja þiggja bólusetningu mega mæta á slökkvistöðina á fimmtudag í næstu viku og reyndar alla daga sem bólusetning er auglýst. Það á einnig við um fullorðna sem eiga eftir að hefja bólusetningu eða þurfa örvunarskammt.

Aldrei hefur verið jafn löng röð á bólusetningardegi fyrir utan slökkvistöðina og í dag. Ljósmyndir: Skapti Hallgrímsson.

Seigla er orð ársins

Hildur Eir Bolladóttir skrifar
13. nóvember 2020 | kl. 11:50

Að nota fjölmiðla eða vera notaður af þeim?

Sigurður Kristinsson skrifar
13. nóvember 2020 | kl. 12:00

Að þegja er eiginleiki sem hvarf

Jón Óðinn Waage skrifar
08. desember 2020 | kl. 07:00

Framtakssemin og einkaframtakið

Jóna Jónsdóttir skrifar
18. nóvember 2020 | kl. 08:00

Akureyringar tala dönsku á sunnudögum

Tryggvi Gíslason skrifar
15. nóvember 2020 | kl. 10:00

Sú mikla kúnst að æsa fólk upp

Jón Óðinn Waage skrifar
18. nóvember 2020 | kl. 08:00