Fara í efni
Umræðan

Óleyfisstarfsemi við Glerárós

Óleyfisstarfsemi við Glerárós

Heilbrigðisnefnd hefur nokkuð lengi hamrað á því við bæjaryfirvöld að við óleyfisstarfsemi við Glerárós verði brugðist, án árangurs. Af einhverjum ástæðum sem ekki hefur fengist skýring á hjá embættismönnum Akureyrarbæjar þrátt fyrir margítrekaðar ábendingar og tilmæli. Það er undarlegt og ámælisvert að sumir komist upp með óleyfisstarssemi þrátt fyrir að skipulagsyfirvöldum sé fullkunnugt um málið. Lappadráttur og svaraleysi einkennir viðmót embættismanna bæjarins. Er ef til vill einhver ástæða fyrir að blinda auganu sé beint að þessu eða er þetta bara svona alltaf? Ég beini því til þeirra sem geta svarað. Er eitthvað í þessu sem markar sérstöðu? Pólitíkin sefur.

Af hverju er ekki gripið til aðgerða þrátt fyrir margítrekaðar tilraunir til að fá það gert?

Bókanir heilbrigðisnefndar 2019 og 2022 eru á netinu. Þessi er frá 2022:

Glerárós í Akureyrarbæ.

https://www.hne.is/static/files/HNE/Fundir/222-fundur-21-11-24.pdf

Umræða varð um mikilvægi þess að Akureyrarbær framfylgi skipulagsákvæðum varðandi athafnasvæði Finns ehf sunnan við Glerárós; um er að ræða umfangsmikla efnishauga og á stundum vinnslu á malbiksbrotum án tilskilinna leyfa. Ásýnd svæðisins er slæm og starfseminni fylgir ryk og önnur óþægindi fyrir nágranna.

Skýrara getur það varla verið og skipulagsráð hefur tekið málið fyrir einu sinni. Þó það.

Bókun skipulagsráðs:

https://www.akureyri.is/is/stjornkerfi/stjornsysla/fundargerdir/skipulagsrad/11931

Skipulagsfulltrúi fór yfir stöðu mála varðandi nýtingu hluta svæðis við Norðurtanga sem efnisgeymslu og athafnasvæði án leyfis. Undanfarin ár hafa borist ítrekaðar kvartanir vegna umgengni á svæðinu og ryks frá efnishaugum. Var meðal annars fjallað um svæðið á fundi heilbrigðiseftirlits Norðurlands eystra (HNE) þann 24. nóvember 2021 auk þess sem ábendingar sem hafa borist HNE hafa verið sendar Akureyrarbæ. Akureyrarbær hefur jafnframt ítrekað farið fram á að starfsemi á svæðinu verði hætt, án árangurs.

Helgi Sveinbjörn Jóhannsson M-lista bar upp vanhæfi við afgreiðslu málsins og var það samþykkt. Vék hann af fundi undir umræðum og við afgreiðslu máls.

Með vísan í 54. gr. skipulagslaga nr. 123/2010 samþykkir skipulagsráð að leggja á dagsektir að upphæð kr. (50.000.-)/dag á Finn ehf. frá og með 1. október 2022 ef starfsemi á svæðinu hefur ekki verið hætt og gengið hefur verið frá svæðinu með ásættanlegum hætti.

Nú bregður svo við að nýir haugar hafa sprottið upp og samvæmt þessari bókun eru bænum farnar að berast dagsektir frá því í byrjun október 2022 ? Hefur verið gefið út leyfi fyrir áframhaldandi starfsemi þarna?

Myndir teknar 3. nóvember.

Því er spurning mín sem kjósanda á Akureyri. Hver verður framvinda þessa gamla máls? Mun þessi óleyfisstarfssemi halda áfram eða ætlar Akureyrarbær að bregðst við samkvæmt tilefni? Á þessu svæði er í gildi deiliskiplag þar sem gert er ráð fyrir snyrtilegu og góðu aðgengi til útivistar við Glerá.

Jón Ingi Cæsarsson er fv. formaður heilbrigðisnefndar.

Klárum að brúa bilið

Sunna Hlín Jóhannesdóttir skrifar
08. febrúar 2023 | kl. 15:45

Tónatröð magnað tækifæri fyrir Akureyri!

Þórhallur Jónsson skrifar
06. febrúar 2023 | kl. 19:30

Tónatröð – enn ein lotan

Jón Ingi Cæsarsson skrifar
06. febrúar 2023 | kl. 06:00

Hið stórfurðulega Tónatraðarmál

Hilda Jana Gísladóttir skrifar
05. febrúar 2023 | kl. 14:35

Græn skref SSNE

Kristín Helga Schiöth skrifar
04. febrúar 2023 | kl. 18:00

Rosalega erum við rík og æðisleg

Stefán Þór Sæmundsson skrifar
02. febrúar 2023 | kl. 09:45