Fara í efni
Minningargreinar

Sigurður Hermannsson

Útför Sigurðar Hermannssonar gamals og góðs samstarfsmanns á Akureyrarflugvelli og í starfi Sjálfstæðisflokksins fer fram frá Akureyrarkirkju í dag, þriðjudag.
 
Sigurður hóf störf á Akureyrarflugvelli í lok árs 1997 eftir að hafa starfað lengi hjá Verkfræðistofu Norðurlands þar sem hann var einn af stofnendum stofunnar.
 
Það var oft lífleg umræða á vellinum um landsins gagn og nauðsynjar og auðvitað um málefni flugsins á svæðinu og landinu öllu. Sigurður lauk störfum haustið 2012. Eftir starfslok hittumst við reglulega og ræddum málefni Akureyrarflugvallar og þá helst með tveimur góðum félögum okkar þeim Þórhalli Sigtryggssyni og Víði Gíslasyni. Við kölluðum hópinn okkar ,,Hollvini Akureyrarflugvallar“.
 
Einnig áttum við Sigurður góð og mikil samskipti í gegnum pólitíkina og þá í starfi Sjálfstæðisflokksins á Akureyri og í kjördæminu.
Það er mikill missir af Sigurði. Mestur er þó missir fjölskyldunnar.
 
Mig langar að lokum að þakka Sigga Hermanns fyrir samfylgdina og góð samskipti í gegnum árin.
 
Minningin um góðan dreng lifir.
 
Njáll Trausti Friðbertsson

Þór Sigurðsson

Valgerður H. Bjarnadóttir skrifar
10. júní 2024 | kl. 11:00

Þór Sigurðsson

Kristín, Sigurður og Herdís skrifa
10. júní 2024 | kl. 10:30

Þór Sigurðsson

Jón Hlöðver Áskelsson skrifar
10. júní 2024 | kl. 10:30

Þór Sigurðsson

Hörður Geirsson skrifar
10. júní 2024 | kl. 09:30

Þór Sigurðsson

Haraldur Þór Egilsson skrifar
10. júní 2024 | kl. 06:00

Þór Sigurðsson – lífshlaupið

10. júní 2024 | kl. 06:00