Patricia Ann MacKenzie Jónsson

Mamma mín kær, nú hefur þú sagt þitt síðasta „cheerio“, eins og fyrir okkur öllum liggur að gera einn daginn. Ég minnist þín með mikilli hlýju og sakna nærveru þinnar þar sem sérstæð jákvæðni, húmor og kærleikur sveif yfir vötnum. Við höfðum að mörgu leyti áhuga á líkum hlutum, þar á meðal jazzmúsík og ég man að þú scat-söngst stundum fyrir mig og útskýrðir að þetta hefðir þú tileinkað þér á sokkabandsárum þínum þegar be-bop var í tísku. Ég man hversu spennt við bæði vorum að fara á tónleika Oscars Peterson í Laugardalshöll 1978 og held að ég hafi orðið unnandi rytmískrar tónlistar ekki síst fyrir þína keltnesku takta. Þú hafðir áhuga á svo mörgu og varst ófeimin við að tjá þig í frumlegri orðaleikfimi á íslensku þó þú hafir verið alin upp í Skotlandi. Hér er hinsta kveðja mín til þín mamma mín, orðasprikl á skosku "a wee rhyme.". Þó ég hafi verið alinn upp á öðru málsvæði læt ég vaða eins og þú hefðir gert.

 

 

 

 

 

 

 

 

Ívar Aðalsteinsson